Thu. May 23rd, 2019

Bara ba fenetha ntat’a bona le nyatsi

KABELO MASOABI

MOHALE’S HOEK – Bara ba motho ba bararo ba belaelloang ka ho bolaea ntat’a bona le mosali eo ba neng ba mo qosa ka le reng ke nyatsi ea hae ba tla tsoa ba emetse ho mamela nyeoe ea bona ba le ntloana-ts’oana.

Babelaelloa ba lilemo li 40, 27 le 24 ba hlahile ka Lekhotleng la Maseterata Mohale’s Hoek pejana khoeling e fetileng, moo ba ileng ba haneloa ka beile.

Baqosuoa ba tlalehoa ba ile ba fumana ntat’a ea lilemo li 74 a phomotse ka tlung habo bona le mosali eo ea lilemo li 54, eaba ba a fasa le ho ba khakhatha ka le reng mosali eo o lahlisitse ntat’a bona ’m’a bona.

Hamorao banna bao ba ile ba inehela moreneng pele ba fetisetsoa sepoleseng sa Mohale’s Hoek.

Nyatsi ea ntat’a bona e phuthiloe moo e se e le maobane ha monna-moholo eena a felletse sepetlele kamor’a hore a potlakisetsoe teng kamorao ho tlhaselo.

Please follow and like us:

Leave a Reply

Your email address will not be published. Required fields are marked *

Wordpress Social Share Plugin powered by Ultimatelysocial