Basali ba ema ka maoto

Ka Lerato Buthelezi

MASERU – Basali ba Makhotla a lipolotiki a fapaneng ba ile ba ema ka maoto ho ea llela basali ba neng ba tlile ‘mokeng oa kankere hore ba mpe ba bue le eo e seng e le Molula-Setulo oa ha joale Mofumahali Maesaiah Thabane hore a ikobele melao le melaoana ea naha ea Lesotho.

Basali bana ba ile ba bonoa mapatlelong a setsi sa liboka Manthabiseng ba ngotse melaetsa, har’a e meng, bane bare ba batla babolai ba Mofu Lipolelo Thabane ba tlisoe ka pel’a makhotla, e meng e le oa hore Makarabo Mojakhomo a hlahisoe. Ha ba bua le Mosotho ba hlalositse hore ho bonahala naha ena ea Lesotho e qosa batho ba bang, empa ba bang bona ha ba lokela ho ea hlaha ka khotla e ntse e le bothata.

Bare ho fihlela hona joale ha ba eso utluisise hore na ke hobaneng babelaelloa ba lefu la ‘M’e Lipolelo ba eso hlahe ka khotla, empa ho fapana le moo ho tšosoa ba bang ba mapolesa ka hore ba file baphatlalatsi ba litaba nomoro ea nyeeo, ebe ba ea ba hlekefetsa.

Ntle le moo ba supa hore ho bonahala Mookameli oa Sepolesa sa Lesotho a sa nke likhato ka batho bao ‘Makarabo Mojakhomo a nyametseng a le matsohong a bona. Bare ketsahalo ena e ba otlile maling a mpa habohloko, kaha hona joale hose ho hlaha litaba tse ngata tseo ba bonang eka khabareng li tla qetella ho se moo Mojakhomo a ka fumanehang hona teng.

Ba boela hape ba kopa ‘Muso oa Lesotho hore o kene lipakeng kaha ho bonahala batho ba bangata bophelo ba bona bo ntse bo feela, empa batho ba lokelang ho nka boikarabello leha ba tsejoa ho sa thoe letho ka bona.

Ha a bua phala ea Lekhotla la Democratic Congress, Monghali Serialong Qoo, o hlalositse hore le haeba hona le mathata batla bona hore ba kopana le machaba hore a kene lipakeng, hobane eena esale a etsoa motho o qala ho bona moo motho kapa batho ba sa nkeloeng likhato leha ho ena le motho ea nyameletseng matsohong a bona empa bopaki bo le teng bo tsejoang.

Default Basic Success warning Info Danger Primary

Related Posts you may like

Popular Post