O fumana monna le mokitjikitji

Ka Napo Lekhooana

MASERU – Mosali o halefisitsoe ke ho fumana monna oa hae le mosebeletsi oa hae oa lapeng oa mehleng ba le ’moho, hoo a hlalosang a tla isa taba eo lekhotleng hore a lefshoe le ho tšelisoa ke mosali eo. E bile oa mpona ka u bona bekeng e fetileng ha Mofumahali ’Malimpho Molete oa Semphetenyane, Maseru, a ne a phalalisa Tokelo Sempe eo e neng e le mosebeletsi oa hae le monna oa hae nakong eo a neng a ba fumana ’moho ka koloing.

Mofumahali Molete ha buisana le motlalehi, o hlalositse ha khutšoane maobane hore eo Tokelo o ne a sebetsa lapeng ha hae. Tlhaloso e supa ha Tokelo o tlohetse mosebetsi ka Phuptjane ha Mofumahali Molete. “Ke tla hlalosa ha khutšoane feela hore Tokelo o tlohile haka mona a se a sa ’mamele, athe o ntella joalo o ne a se a nkile monna oaka,” ho rialo Mofumahli Molete.

O re o ne a palame koloi ea lephele a hlaha teropong ea Maseru, h’a tla bona koloi ea monna oa hae e eme ka thoko ho ’mila pel’a lifeme tsa Ha Tikoe Maseru. A re o ile a kopa moqhobi oa lephele ho ema, a tsoa a ilo sheba na monna o na le mang ka koloing, a makatsoa ke ho bona monna a lutse ka koloing ea bona le mosebetsi oa hae oa lapeng.

“Ha ke atamela koloing ba ile ba notlela mamati a koloi, ka nka lejoe ka e pshatla fensetere ea nto rutla. Ke fella hakalo,” ke Mofumahali Molete eo. O bile a kopa hore ho se buuoe le monna oa hae ka taba ena, empa Tokelo ho ka buuoa le eena. Tokelo mohaleng ha moqolotsi a ’motsa ka taba ena o ile a re fela, “joo!” a koala mohala eaba ha o sa fumaneha.

Default Basic Success warning Info Danger Primary

Related Posts you may like

Popular Post