Basotho ba thabile ebile h’a ba thaba

Napo Lekhooana

MASERU -Karolo e ’ngoe ea Basotho e hlalosa bonyane litefiso tsa makoloi tse phatlalalitsoeng li le betere, ho e-na le tse ileng tsa phatlalatsoa pele leha mekholo ea bona eona e ntse e eme nqa ele ’ngoe. Sena se latela hore Letona la Mesebetsi ea Sechaba le Lipalangoang, Mohlomphehi Prince Maliehe, le fanyehe litefiso tse ileng tsa phatlalatsoa pejana ka lebaka la sello sa sechaba.

Maliehe o hlalositse bekeng e fetileng hore o ile a nyakurela litefiso tse phatlalalitsoeng pele, ‘me a hlakomela ho ne ho e-na le liphoso tse ileng tsa etsoa. Puisanong le Mosotho ka sena Mofumahali ’Mamosiuoa Phako oa Thetsane Maseru, ea itšebetsang, o re lejoale phatlalatso ea moraro tjena e ba theotse matšoafo kaha ea pele ea M10 e ile ea ba nyarosa.

Mofumahali Pheko o re tefiso ea morao e tlo kenngoa tšebetsong ke ee amohelehang. Monghali Joda Mpeako e le mosebeletsi oa lifemeng, a re batho ba ’muso nako eohle ba batla ho baleha ka likelello tsa Basotho. O re nako eohle babusi ke batho ba sebetsanang le hore na ba qhekanyetsa sechaba joang.

Mpeako o re, “Pele babusi ba ne ba phatlalatsa litefiso tsa makoloi tse phahameng haholo hore re tšohe re le sechaba. E re re sa tšohile joalo ba tsebe ho theoha hanyane ba theohela moo bona esaleng ba shebile teng.Chelete eno e ntse e le ngata eo ba nyolohileng ka eona.

Koloi e ka nyoloha ka Loti kapa 50 sente bonyane. Rona mekholo ea rona e ntse e eme re tlo ingoeloa.”Lekala le ile la supa litefiso tse ncha tsa makoloi tsa haufi (local) e tlilo ba M8 lephele, M7.50 tekesi, M6 Sprintha, M5 Bese.

Default Basic Success warning Info Danger Primary

Related Posts you may like

Popular Post