Litjobo o jele chelete ea bana ba Mapetla

Lerato Buthelezi

MASERU - "Kemiso ea ho hasa litaba tsa komiti e lisang lichelete tsa 'Muso ke hobane hone ho sireletsoa batho ba kang Thuso Litjobo kaha a ameha licheleteng tsa bana ba likhutsana tsa lelapa la Mapetla" a rialo Monghali Teboho Sekata ho tsoa mokheng oa Lesotho Congress Democracy.Litaba tsena li hlahile 'mokeng oa litaba oo bohanyetsi bo neng bo lla ka puso hore ho fihlela hona joale 'Muso o bonahala o hlolela ho hlokomela Basotho, le ho se phethahatse litšepiso tseo baneng ba li tšepisitse Basotho.

Lehoja a sa ka fan aka mohlaka oa taba pelaelong ena ea hae, Sekata o supile h’aka pakahatsa tsena le ho ntša likoetla tse ngata tse amanang le tseo ba supang e le bobolu bo etsoang ke ba pusong kajeno.Har'a tse ling ba supa hore ho bonahala Sepolesa sa Lesotho se tsoile letšolo ho hlokofatsa batho, ba re har’a batho ba seng ba hlekefelitsoe ke Mofumahali Lerato Motseki ea ileng a hlokofatsoa ka pel’a banna bao a sebetsang le bona, hobane ane a file baphatlalatsi nomoro ea nyeeo ea lefu la  Mofumahali Lipolelo Thabane.

"Ntle le moo, ke banna ba neng ba tsoa peisong ea likhomo Matelile, le bona ba ile ba pitikisoa ke Sepolesa. Ntle le moo hoa hlekefetsoa moqhobi oa Letona la mehleng la Tšireletso hore a itlame a etseletse eena Mokhosi ho kenyeletsa le Moetapele oa LDC. Ntle le moo ba boetse ba hlekefetsa Monghali Mokhosi ho fihlella a itšilafatsa," a rialo Raliphatlalatso oa Mokha oa DC Monghali Serialong Qoo.

A boela a hlalosa ha e le semaka hore ebe ho thoe motho oa mosali o nyametse Ntlo Kholo ea Sepolesa, e leng ‘Makarabo Mojakhomo. A re se makatsang ke hore litaba tsa hae li bonahala li sa nkeloa holimo joaloka tsa Mokalekale Khetheng, eo ho neng ho hlongoa hore o bolailoe ke puso e fetileng.

"Re makaletse ho khutlisetsoa mosebetsing hoa mapolesa a 21 a ileng a behelloa ka thoko ho mosebetsi hobane ho thoe ane a thusa ABC ho iketa. Ntle le moo ke ho cha hoa ofisi ea Akhente Mda e fumanehang Mafeteng, ho fihlela hona joale ha hona batho ba tšoeroeng,” a rialo Qoo.A hatiseletsa hore puso ena ea manyeloi e bolile ho feta lipuso tsohle.

A re hona joale ba phathahane ba tseka ho ea etsa mosebetsi moketeng oa tsoalo oa Rabasotho hobane ba ena le batho ba bona ka pusong batla ba lumella hore ba fueo mosebetsi o joalo.Ho fihlela hona joale ho bonahala bohanyetsi bo tsoile letšolo ho supa likoli tsohle tsa puso ea Koloi, ho sa natsehe hore batšehetsi ba eona ba lla ka hore eba lutse sefubeng joaloka nama ea fariki e qeta ho tšoloa.

Default Basic Success warning Info Danger Primary

Related Posts you may like

Popular Post